拍拖協議書

拍拖協議書

其實，我明白呢D戒條有點吹毛求疪、有D不設實際、有D妙想天開，我只想你知道，係寫呢D戒條嘅時間內，每一秒鐘，我都係牽掛你架

.唔好再話怕俾唔到幸福我而企圖推開我，因為我最大嘅幸福就係同你一齊。

.我有嘢做得唔巖你可以話我，不過唔俾發曬脾氣嬲曬咁話我，要慢慢講道理，有耐心D。

.唔準對我講大話，我最憎人呃我，雖然你話呃我喺唔想我唔開心，但喺俾我知道你呃我，咁樣我會更加唔開心。

.唔準一腳踏兩船 (或以上 )。

.我知道你冇可能每秒鐘都掛住我，但係如果你全日都冇諗起我，我會好驚架。

.如果你唔開心，你要同我講，唔好扮無事，因為如果俾我發現我會比你更唔開心

.你先要努力工作，然后盡量抽時間陪我。

.你唔需要係有錢仔，但係要有上進心，想出人頭地。

.你一定要有自己嘅理想。

.唔好亂咁作出承諾，因為我真係會當真咁記一世架。　

.我發脾氣cut你線，你唔使即時打翻電話俾我，但喺要發SMS俾我。

.如果你發我脾氣逼我做D我唔想做嘅嘢，我會覺得好唔開心。

.我都好憎人唔信我，懷疑我。

.如果你愛我，你唔會捨得要我傷心.　

.我唔會check你嘅來電顯示，但係你最好唔好俾我聽到你同不明來歷嘅女人講電話　

.我明白每個人都有過去，你會有舊情人嘅相呀信呀禮物呀，但係唔好喺我面前飄揚，有咩爛咗嘅就唔好怪我。

.我鐘意收到你嘅SMS，幾肉麻我都頂得順架。

.每日起碼要打一次電話俾我，因為我會掛心你，最好係喺我臨訓前打嚟，因為聽完你電話我會訓得舒服D。

.我哋未必可以一生一世，但希望你同我一齊嘅時候，每一刻都對我認真。　

.你心裡面諗D咩，一定要同我講，因為我好蠢，你唔同我直接講我唔會知道。　

.我唔需要你對我許下關于以后嘅某種承諾，我只想你肯定你對我依家嘅感覺，因為以后嘅事無人可以預測到。

.出街一定要拖實我，因為我係超級路盲，會蕩失路。　

.我唔係專登騷擾你，我只係想等你知道我幾時掛住你嗟。

.你要好錫好錫我，因為你唔錫我就無人錫我架啦，當然我都會好錫你架。

.我唔喺貪心嘅人，唔一定要鉆石同珍珠，就算你送易拉環蓋俾我都會一樣咁開心，最重要喺睇你有冇心。　

.如果有一日你郁手打我，我一定會走。

.記得我送俾你嘅嘢要好好保存。

.唔好批評我嘅好朋友，因為我同佢地共過患難，唔係酒肉朋友。

.如果你需要我嘅時候，隨時揾我，唔好俾我以為自己係個閑人。

.我喊嘅時候，你一定要氹我，因為我只會喺好傷心好傷心嘅時候先喊。　

.我好樂意幫你洗衫煮飯執屋，但係請你唔好當喺「奉旨」。

. 唔好以為我真係好大方，只係我怕你討厭小氣嘅女仔咋。

.因為我有一D唔係太開心嘅過去，對人好冇安全感。所以請你用用行動話俾我知你對我係認真嘅，你唔係玩玩下。

.你要對自己有信心，我唔會生翼，所以我唔識飛走。

.我好野蠻任性，我知我都會為你而改，不過需要時間。

.我M嘅時候情緒會怪D，所以你要小心D。　

.你煮飯俾我食，就算只係一碗餐蛋麵，我都會開心過食鵝肝。

.我希望你間唔中都會俾D小驚喜我，係「小驚喜」，唔係「大驚喜」。

.唔好習慣出去食飯，雖然我唔精，不過為咗你會翻屋企食飯，我會好俾心機去學。

.你唔開心嘅時候我會靜靜行開，俾時間空間你冷靜，因為我唔多識安慰人，但過后我會想你打翻個電話俾我，因為我關心你。

.如果我成日管住你你覺得煩嘅話要同我講，因為我憧憬我以后都可以管住老公，而老公又樂意俾我管。　

.唔使經常同我講「I love you」，雖然呢句說話聽幾多次都唔會嫌多，都唔會厭，不過我更希望你用你嘅行動嚟證明呢句話。

【拍拖協議書】相關文章：

債權協議書 債權清償協議書05-21

經典協議書11-21

房產贈予協議書與房屋贈與協議書范本12-08

最新維修協議書維修工程協議書范本12-18

協議書樣本12-26

協議書樣本06-07

協議書樣本(經典)06-08

換房協議書04-30

廣告協議書04-30

糾紛協議書04-29